Hoxe, 21 de Setembro celébrase o Día Mundial dos enfermos de Alzheimer. Os neurólogos demostraron que a pesar da dexeneración que provoca esta enfermidade no cerebro, unha gran parte dos enfermos conserva os seus recordos musicais aínda nas fases máis tardías.
Convídovos a ler o artigo de Miguel Ángel Criado na Web Músicantigua.com . Podedes acceder picando na imaxe.
Os compoñentes do grupo musical "La oreja de Van Gogh" presentaron unha nova versión da canción 'Estoy contigo' coincidindo co Día Internacional do Alzheimer. Trátase dunha composición dedicada a todas aquelas persoas que sofren a enfermidade e aos que lles acompañan.Todos os beneficios que se recaden con ela irán destinados á Fundación Alzheimer España (FAE). Na nova gravación colaboraron tamén Ana Torroja, Andrés Suárez, David Otero, Funambulista, India Martínez, Iván Ferreiro, Maldita Nerea, Melendi, Rozalén e Vanesa Martín.